Асуулт: Эзэмшлийн газраа удаан хугацаагаар ашиглаагүй бол газар эзэмших эрх маань хүчингүй болох уу ?

  • Газар эзэмшигч хүндэтгэн үзэх шалтгаангүйгээр гэрээнд заасан зориулалтын дагуу тухайн газраа 2 жил ашиглаагүй бол газар эзэмших эрхийн гэрчилгээг хүчингүй болгоно.

Асуулт: Газар өмчлөх эрхээ хаана бүртгүүлэх вэ?

  • Тухайн өмчлөх газрынхаа харьяа аймаг, дүүргийн улсын бүртгэлийн хэлтэст хандан бүртгүүлнэ.

Асуулт: Газар өмчлөх эрхээ Эд хөрөнгийн эрхийн улсын бүртгэлд бүртгүүлэх шаардлагатай юу ?

  • Монгол Улсын Газрын тухай хуулийн 5.4-т зааснаар Газар өмчлөгч нь газар өмчлөх эрхээ Эд хөрөнгийн эрхийн улсын бүртгэлд бүртгүүлнэ.

Асуулт: Газар эзэмших эрхийн гэрчилгээг хэн хүчингүй болгох эрхтэй байдаг вэ?

  • Газрын тухай хуулийн 40.1-д заасны дагуу тухайн газрын эзэмших эрхийн гэрчилгээ газар эзэмших эрх олгосон этгээд болох Аймаг, нийслэл, сум, дүүргийн засаг дарга хуульд заасан үндэслэлээр хүчингүй болгох эрхтэй байдаг.